Муниципальное бюджетное дошкольное образовательное учреждение
«Детский сад «Кэскил» с.Туора-Кюель МР «Таттинский улус» РС (Якутия)»

Вы находитесь здесь: Главная » Новости » Улуустааҕы «Сааскылаана Куо — 2021» конкурс түмүгэ

Улуустааҕы «Сааскылаана Куо — 2021» конкурс түмүгэ

  • Автор:
  • Опубликовано: 17-04-2021
  • Просмотров: 423
  • Комментариев: нет

Доруобуйа сылыгар анаммыт «Сааскылаана Куо-2021» конкурс түмүгэ маннык буолла.
Улууспут уһуйааннарыттан 11 кыыс кыттыыны ыллылар. Быйылгы конкурс дистанционнай форматынан ыытылларынан тэрийээччилэр уларытыылары киллэрбиппит.

Конкурс сыала уонна соруктара:
• Оҕо уус –уран ситимнээх саҥатын сайыннарыыга тирэх ууруу.
• Билэр- көрөр баҕаларын уһугуннарыы, билиилэрин кэҥэтии.
• Төрөөбүт дойдуга тапталы иитии, киэн туттууну иҥэрии.
• Кыыс оҕо айар-тутар, толкуйдуур дьоҕурун сайыннарыы.
• Хамсаныылаах оонньуу нөҥүө эти-сиини эрчийии.

Күрэх түһүмэхтэрэ:

  1. Бэйэни билиһиннэрии (3-5 мүн. видео уһуллар, бэйэҕит толкуйгутунан) – төрөөбүт түөлбэни сырдатан, уустаан-ураннаан хоһуйуу.
  2. Панно – «Саас бэлиэтэ – ньургуһун» сибэккини оҥоруу (аппликация технологиятынан оҥоһуллар, туттуллар материаллар – өҥнөөх кумааҕы эбэтэр өҥнөөх А4, кыптыый, килиэй. Оҕо улахан киһи көмөтө суох, бэйэтэ оҥоро, үлэлии олорорун видеоҕа устаҕыт, үлэлиир бириэмэтэ 20 мүн. Паннону хаартыскаҕа түһэрэн заявкаҕа сыһыараҕыт.
  3. Скакалканан ыстаныы (1 мүн устата төһөнү ыстанарын видеоҕа уһуллар – 2 атаҕынан куобахтаан, секундомер экраҥҥа көстүөхтээх).

Конкурсу сыаналаатылар:

  1. Председатель-Никитина Розалия Николаевна -Туора-Күөллээҕи «Кэскил» уһуйаан сэбиэдиссэйэ;
  2. Захарова Вера Васильевна-Туора-Күөллээҕи «Кэскил» уһуйаан ст. иитээччитэ;
  3. Юмшанова Альбина Михайловна- Өксөкүлээх Өлөксөй аатынан Дьохсоҕон орто оскуолатын тьютора. Сыаналааһын.
    1түһүмэх. Бэйэни билиһиннэрии
  4. Оҕо тыла –саҥарар саҥата
  5. Сценическай культура
  6. Солун көстүү (оригинальность, ИКТ туһаныы)
  7. Видео уһуна – 5 мүн. уһаабат, үчүгэй хаачыстыбалаах буолара ирдэнэр.
    2 түһүмэх. Панно – «Саас бэлиэтэ – ньургуһун»
  8. Оҕо кыптыыйынан, килиэйинэн туттар үөрүйэҕэ.
  9. Өҥү-дьүһүнү дьүөрэлээн, композиция айан таһаарара.
  10. Оҥоһук эстетическэй көстүүтэ.
  11. Видео уһуна – 20 мүн. уһаабат, үчүгэй хаачыстыбалаах буолара ирдэнэр. Хаартыска хаачыстыбатын учуоттуугут (сыаналааһыҥҥа үлэ үчүгэйдик көстүөхтээх).
    3 түһүмэх. Скакалканан ыстаныы.
  12. Толоруу хаачыстыбата.

Тэрийээччилэр скакалка түһүмэҕин оҕо эт — хаан өттүнэн сайдыытыгар болҕомтону уурааһын уонна оскуолаҕа үөрэнэ киирдэ да, нормативка баарынан, бэлэмнээх буоллун диэн киллэрбиппит.

Дьүүллүүр сүбэ манныктары бэлиэтээтибит. 1 түһүмэх сыала-оҕо төрөөбүт, олорор түөлбэтин сырдатыыта, уустаан-ураннаан хоһуйуута диэни, үгүс кыттааччылар ситэтэ суох сырдаттылар диэтибит.
2-с түһүмэххэ кыргыттар кыптыыйынан тутта үөрүйэхтэрин бэлиэтиибит, өҥү таба дьүөрэлээн, холкутук туттан-хаптан бэрт сатабыллаахтык үлэлээтилэр. 3 түһүмэххэ сорох конкурсаннар устууларын хаачыстыбата мөлтөҕүн бэлиэтээтибит. Оҕобут ыстана сылдьан секундомердаах телефон кэннигэр тиийэн хаалар, ол түмүгэр ыстанара көстүбэт.

Конкурска кыттыыны ылбыт кыргыттарга, дьиэ-кэргэттэригэр, бэлэмнээбит салайааччыларга махталбытын уонна эҕэрдэбитин тиэрдэбит.

Кыайыылаахтар: «Сааскылаана Куо-2021″- Аянитова Нарыйаана-МБДОУ»Кэскил» с. Туора-Кюель сал. Максимова В.Н., Захарова А.Н., Гуляева О.Н., Боярова М.Е.
1 миэстэ — Ноенохова Селена — МБОО Чычымахская СОШ им. С.Р. Кулачикова-Эллэй сал. Барбасытова В. В.
2 миэстэ — Румянцева Валерия-МБДОО Ытык-Кюельский детский сад «Туйаара» сал. Голикова В.И., Егорова Нь. И., Сидорова С.Г.
3 миэстэ — Чахова Мичийээнэ — Уолба орто оскуолата «Кэнчээри» оҕо саада сал. Карбаканова Е.Г., Кириллина Т.Н. Боппосова В.В., Боппосова М.Т.

Анал ааттар: «Кэскилээнэ Куо — анал ааты уонна тэрийээччилэр анал бирииспитин анаатыбыт Афанасьева Викаҕа-ИСОШ Дэбдиргэ сал. Лопатина Д.К., Дедюкина К.А., Иванова Т.И.
«Чэмэлиинэ Куо»- Турнина Мила-МБДОУ «Сардаана» с. Кыйы сал. Иванова К.А., Пономарева Г.С.
«Мичийээнэ Куо»- Попова Айыллаана-МБДОУ «Харбалахский детский сад «Кэскил» сал. Осипова А.Н., Мессеева Т.П.
«Кэрэчээнэ Куо»- Неустроева Сардаана-МБОО Баягинская СОШ сал. Романова И.Г., Потапова М.А., Слепцова Н.Н.
«Сандаара Куо — Неустроева Эвелина-МБДОУ ЦРР «Сулусчаан» с. Ытык-Кюель сал. Дьяконова Т.С., Петрова П.Н.
«Нарыйаана Куо» — Игнатьева Саргылаана- МБОО Чымнайская СОШ-дошкольная группа «Сардаана» сал. Колодезникова Д.В., Христофорова С.Т., Богдокумова А.П.
«Күнчээнэ Куо»- Решетникова Вилиана-МБДОУ ЦРР «Аленушка»с. Черкех сал. Яковлева П.В., Ефремова С. М., Охотина Нь.Н

Аянитова Нарыйаана

Ноенохова Селена

Румянцева Валерия

Чахова Мичийээнэ

Accessibility