Муниципальная бюджетная общеобразовательная организация
Туора-Кюельская СОШ им. И. Н. Гуляева с. Туора-Кюель Таттинский улус РС(Я)

Вы находитесь здесь: Главная » Младшая группа Новости » Саҥа дьыллааҕы утренник сценарийа (кыра бөлөх)

Саҥа дьыллааҕы утренник сценарийа (кыра бөлөх)

  • Автор: keskiltk
  • Опубликовано: 10-01-2022
  • Просмотров: 5
  • Комментариев: нет

 

«Куобах дьиэтэ»

Буолар күнэ: Ахсынньы 21 күнэ, 11 чаастан

Группа Саҥа Дьылга бэлэмнэнэн киэргэтиллибит, оҕолор куобах маскарааттарын кэтэн олороллор.

Сыала: оҕолорго бырааһынньыктааҕы настырыанньаны тириэрдии,саҥарар саҥаларын сайыннарыы, оонньууларга көхтөөхтүк кытталларын ситиһии.

Туттуллар материал: ширма, муус, мас дьиэлэр, куобах, саһыл, ыт, бөрө, бөтүүк илии театра.

    Ыытааччы:       Тиийэн кэллэ Саҥа дьыл

                               Сахам сирин үрдүнэн

                               Үтүө истиҥ сонуннардаах

                               Бары дьоҥҥо кэһиилэрдээх.

                               Тиийэн кэллэ Саҥа дьыл

                               Саҥа ырыа матыыптаах,

                               Дьикти кэрэ хоһооннордоох,

                               Куобах дьиэтэ остуоруйалаах!

Оҕолоор, билигин остуоруйата көрүөххэйин.

Олорбуттара эбитэ үһү саһыл уонна куобах. Саһыл дьиэтэ муус эбит, куобах дьиэтэ хатырык эбит.Саас кэлбитигэр, күн күүскэ тыкпытыгар саһыл дьиэтэ ууллан хаалбыт. Саһыл дьиэтэ суох хаалбыт. Саһыл кэлэн куобахтан көрдөспүт.

Саһыл: Куобахчаан  миигин биир түүҥҥэ хоннор эрэ. 

Куобах: Эдьиийкээним Саһылчаан киир хон.

Ыытааччы: Куобах саһылы дьиэтигэр киллэрбит. Саһыл ылбыт да оһох үөһээ ойон тахсыбыт да куобаҕы үүрэн ыыппыт                   

Куобах ытыы – ытыы баран испит арай утары ыт кэлбит.

Ыт: тоҕо ытаатын куобахчаан?

Куобах: хайдах ытыам суоҕай? Мин хатырык дьиэлээх этим, саһыл муус дьиэлээх этэ. Саас халлаан сылыйбытыгар, күн күүскэ тыкпытыгар саһыл дьиэтэ ууллан хаалла. Миэхэ биир түүн хоно киирэн баран үүрэн ыытта.

Ыт: ытаама куобахчаан, мин эйиэхэ көмөлөһүөм.

Ыытааччы:  Дьиэҕэ чугаһаан баран ыт туран эрэ эппит.

Ыт: гав, гав, гав! Саһыл куобах дьиэтиттэн киэр буол!

Саһыл: билигин ойон тахсыам сирэйгин-хараххын хайа тардыам!

Ыытааччы: ыт куттанан куотан хаалар.

Куобах эмиэ суол устун баран испит, ытыыр. Утары киниэхэ бөрө иһэр эбит.

Бөрө: тоҕо ытаатын куобахчаан?

Куобах: хайдах ытыам суоҕай? Мин хатырык дьиэлээх этим, саһыл муус дьиэлээх этэ. Саас халлаан сылыйбытыгар, күн күүскэ тыкпытыгар саһыл дьиэтэ ууллан хаалла. Миэхэ биир түүн хоно киирэн баран үүрэн ыытта.

Бөрө: ытаама куобахчаан, мин эйиэхэ көмөлөһүөм

Куобах: ээ суох, ыт үүрэ сатаабыта да үүрбэтэҕэ, эн эмиэ сатаан үүрүөн суоҕа

Бөрө: саһыл куобах дьиэтиттэн киэр буол!

Саһыл: билигин ойон тахсыам сирэйгин-хараххын хайа тардыам!

Ыытааччы: бөрө куттанан куотан хаалбыт.

Куобах эмиэ суол устун ытыы- ытыы баран испит киниэхэ утары хотуурдаах Бөтүүкчээн иһэр эбит.

Бөтүүк: тоҕо ытаатын куобахчаан?

Куобах: хайдах ытыам суоҕай? Мин хатырык дьиэлээх этим, саһыл муус дьиэлээх этэ. Саас халлаан сылыйбытыгар, күн күүскэ тыкпытыгар саһыл дьиэтэ ууллан хаалла. Миэхэ биир түүн хоно киирэн баран үүрэн ыытта.

Куобах: ээ суох, ыт үүрэ сатаабыта да үүрбэтэҕэ, бөрө үүрэ сатаабыта да үүрбэтэ, эн эмиэ сатаан үүрүөн суоҕа.

Бөтүүк: Суох мин үүрүөм.

Ыытааччы: дьиэҕэ чугаһаан баран бөтүүк атаҕын тоҥсуйбут, кынатын сапсыммыт уонна

Бөтүүк:  Ку-ка-ре-ку! Хааман иһэбин

               Санныбар хотуурдаахпын.

               Саһылы таһыйыам,

               Оһохтон түс саһыл,

               Дьиэттэн киэр бар!

Ыытааччы: Саһыл истибит уонна куттаммыт.

Саһыл: таҥнан эрэбин

Ыытааччы: Бөтүүк иккистээн эппит

Бөтүүк:  Ку-ка-ре-ку! Хааман иһэбин

               Санныбар хотуурдаахпын.

               Саһылы таһыйыам,

               Оһохтон түс саһыл,

               Дьиэттэн киэр бар!

Ыытааччы: Саһыл өссө куттаммыт.

Саһыл: атаҕым таҥаһын кэтэбин…

Ыытааччы: Бөтүүк үһүстээн эппит.

Бөтүүк:  Ку-ка-ре-ку! Хааман иһэбин

               Санныбар хотуурдаахпын.

               Саһылы таһыйыам,

               Оһохтон түс саһыл,

               Дьиэттэн киэр бар!

Саһыл куобах дьиэтиттэн ойон тахсыбыт да тыа диэки сүүрэ турбут.

Онтон ыла бөтүүктээх куобах бииргэ, хатырык дьиэҕэ бур – бур буруо таһааран эйэлээхтик олороллоро эбитэ үһү.

Үҥкүү (Куобах уонна бөтүүк оҕолору ыҥыраллар)

Оонньуу

Ыытааччы: Күүтүүлээх ыалдьыппыт Мооруос оҕонньор айаннаан биһиэхэ чугаһаан иһэр.

Чэ, эрэ оҕолоор, Мооруос оҕонньору ыҥырыаххайын эрэ

Мооруос оҕонньор, Мооруос оҕонньор!

            (Мооруос оҕонньор киирэр)

Д.М:   Дорооболорун, оҕолоор, Саҥа Дьылынан,саҥа дьолунан!

Саҥа дьылы көрсө детсадкытын үчүгэйдик да киэргэппиккит, харыйаҕытын симээбиккит. Харыйаҕыт уота суох эбит дии, аптаах торуоскабынан таарыйаммын уотун уматыаҕым. Биир, икки, үс харыйа уота умай!

Билигин оҕолорбун кытта оонньуохпун баҕарабын, миэхэ хаардары хомуйан көмөлөһүҥ  эрэ «Хаары хомуй»

Мин эһигини кэтээн ыраахтан көрдүм  сыл устата хайдах сылдьыбыккытын, дьоҥҥутугар, иитээччилэргитигэр төһө көмөлөспүккүтүн. Былырыыҥҥытааҕар улааппыккыт.Чэ, эрэ тугу бэлэмнээтигит?

Ырыаҕытын, хоһооҥҥутун истиэм этэ.

Ыытааччы: Мооруос оҕонньор оҕолорбутугар бэлэх бөҕө аҕалбыт, билигин кинини кытта сэттиһэн харыйабыт аттыгар хоробуоттуоххайын.

Д.М:   Маладьыастар, олус үчүгэй оҕолор эбиккит, билигин оҕолорбор бэлэхтэрбин туттартыам.

Ыытааччы:  Чэ эрэ, оҕолоор Мооруос оҕонньорго хоһооммутун этиэххэйин эрэ.

(оҕолор хоһоонноро)

Оҕолор биирдии, биирдии баран хоһоон этэллэр, бэлэхтэрин ылаллар, Мооруостуун хаартыскаҕа түһэллэр.

Мооруос Оҕонньордуун уопсай хаартыскаҕа түһүү.

Ыытааччы: Мооруос оҕонньорго, Куобахчааҥҥа уонна Бөтүүккэ биһиэхэ кэлэн ыалдьыттаабыттарыгар махтаныаххайын уонна атаарыаххайын.

Д.М:  Баһыыбаларын, аны атын детсадка бардым.Ийэҕит, аҕаҕыт, иитээччилэргит  тылларын истээрин. Эһиил баччаҕа көрсүөххэ диэри!

Бары: көрсүөххэ диэри!

Төрөппүттэргэ ыытыллыбыт “Саҥа Дьыллааҕы фонарик”  куонкурус түмүгүн таһаарыы бэлэхтэри туттарыы

Accessibility