Муниципальная бюджетная общеобразовательная организация
Туора-Кюельская СОШ им. И. Н. Гуляева с. Туора-Кюель Таттинский улус РС(Я)

Вы находитесь здесь: Главная » Младшая группа Новости » Кыра бөлөх оҕолоругар Саҥа Дьыллааҕы аралдьыйыы отчуота

Кыра бөлөх оҕолоругар Саҥа Дьыллааҕы аралдьыйыы отчуота

  • Автор: keskiltk
  • Опубликовано: 10-01-2022
  • Просмотров: 7
  • Комментариев: нет

Иитээччилэр: Хаптагаева С.И, Васильева Л.Е, Атастырова А.С

«Куобах дьиэтэ»

Сыала: оҕолорго бырааһынньыктааҕы настырыанньаны тириэрдии,саҥарар саҥаларын сайыннарыы, оонньууларга көхтөөхтүк кытталларын ситиһии.

Туттуллар материал: ширма, муус, мас дьиэлэр, куобах, саһыл, ыт, бөрө, бөтүүк илии театра.

Саҥа Дьылы, Мооруос оҕонньору көрсүү хас биирдии оҕоҕо саамай долгутуулаах, үөрүүлээх буолар.

Оҕолорбутугар үөрүүнү бэлэхтээри эрдэттэн группабытын киэргэттибит. Таһырдьа хаар оҥоһуктар төрөппүттэр көмөлөрүнэн оҥоһулуннулар.

Оҕолорго билиһиннэрии үлэлэр, бэсиэдэлэр, Мооруос эҕэрдэтин истии, көрүү ыытылынна.

Ахсынньы 21 күнүгэр, 11 чаастан кыра бөлөх оҕолоругар аналлаах аралдьыйыы ыыттыбыт.

Иитээччилэр, үлэһиттэр Захарова В.В, Захарова А.Н, Хаптагаева С.И, Васильева Л.Е, Гуляева О.Н, Боярова М.Е, Васильева Т.Н оҕолорго анаан, “Куобах дьиэтэ” остуоруйаны илии театырынан оонньоон көрдөрдүлэр, музыкальнай салайааччы Максимова В.Н музыканан киэргэтэн остуоруйа тыынын биэрдэ. Оҕолор бары олус сэргээн, сэҥээрэн көрдүлэр, иһиттилэр.

Бу күҥҥэ оҕолорбут бука бары куобахчааннар буоланнар, үҥкүүлээн, оонньоон, хороводтаан, Мооруос оҕонньорго хоһоон ааҕан үөрдүлэр- көттүлэр, минньигэс бэлэхтэри туттулар.

Төрөппүттэр икки ардыларыгар ыытыллыбыт «Саҥа Дьыллааҕы фонарик» күрэххэ барыта 15дьиэ – кэргэн көхтөөх кыттыыны ылла. Дьүүллүүр сүбэ быһаарыытынан – 1 миэстэни Вероника Васильевна, Геннадий Кононович Васильевтар, 2 миэстэни – Татьяна Ивановна, Айаал Гаврильевич Кузьминнар, 3 миэстэни – Луиза Егоровна, Александр Александрович Васильевтар дьиэ – кэргэттэрэ буоланнар грамотанан, минньигэс бэлэхтэринэн наҕараадаланнылар

Accessibility