Муниципальное бюджетное дошкольное образовательное учреждение
«Детский сад «Кэскил» с.Туора-Кюель МР «Таттинский улус» РС (Якутия)»

Вы находитесь здесь: Главная » Старшая группа » Сэтинньи ый — Байанай ыйа.

Сэтинньи ый — Байанай ыйа.

  • Автор: keskiltk
  • Опубликовано: 17-12-2019
  • Просмотров: 12
  • Комментариев: нет

Сэтинньи ыйБаай Байанай ыйынан биллэр. Бу кэмҥэ Баай Байанайбыт олус үөрүнньэн буолар диэн былыргы сахалар этэллэрэ. Уол оҕо айылҕаттан булка тардыстар айдарыылаах. Кинини кыра эрдэҕиттэн тыаҕа илдьэ сырыттахха, өбүгэлэрбит үгэстэрин, булт сиэрин-туомун үөрэттэххэ үтүө булчут буола улаатар.

Сыала: Сэтинньи ый-Байанай ыйа буоларын билиһиннэрии, оҕолор билиилэрин чиҥэтии – хаҥатыы, өбүгэ үтүө үгэһигэр убаастабылы иҥэрии. Саха киһитин төрүт дьарыга булт сиэрин-туомун билиһиннэрии. Айылҕаҕа тапталы, харастабыллаах сыһыаны иитии.

Улахан бөлөх оҕолоругар ый бүтүүтэ байанай ыйыгар аналлаах нэдиэлэ ыыттыбыт.

Нэдиэлэ бастакы күнүгэр “Баай Байанай” оҕолорго бэсиэдэ ыытыллынна. Байанай диэн – ойуур иччитэ, булт таҥарата буоларын, Байанай үөрүнньэнин ол гынан баран куһаҕан быһыыттан хомойуон, өһүргэниэн сөбүн туһунан билсэн билиилэрин – көрүүлэрин чиҥэттибит, хаҥаттыбыт. Кини ойуур кыылларын, көтөрдөрүн харыстыырын, куһаҕан санаалаах дьонтон кыылларын – көтөрдөрүн ыраах куоттарарын биллибит. Булт арааһа сылы быһа бултанарын өйдөөтүбүт.

Иккис күнүгэр презентация көмөтүнэн Байанай оҕолорун, тыа кыылларын уонна кинилэр суолларын көрдүбүт. Хас биирдии кыыл тус –туспа суоллааҕын өйдөөтүбүт. Оту – маһы алдьатыа суохтаахпытын, наадыйарбытын, сөп буоларбытын эрэ ыларбытын билиһиннэрдибит. Оту – маһы алдьаппакка, чуумпутук сылдьар дьону  сөбүлүүрүн өйдөттүбүт.

Нэдиэлэ үһүс күнүгэр оҕолор аҕалара, убайдара, эһээлэрэ бултаан аҕалбыт бултарын хаартыска аҕалан көрөн туран кэпсээтилэр, оҕолорго билиһиннэрдилэр, киэҥ тутта кэпсээтилэр.

Нэдиэлэ бутэһик күнүгэр Байанай нэдиэлэтин түмүктүүр арлдьыйыы ыытыллынна. Оҕолор, иитээччилэр сахалыы таҥас кэттибит. Бу күн биһиэхэ кэлэн ыалдьыттаата сэркээн сэһэннээх булчут  Николай Алексеевич. Ыалдыппыт   бултааһын, уоту аһатар сиэри-туому, айылҕаҕа сылдьыы бэрээдэгин сүрдээх учугэйдик, оллоон тула олорон оҕолору интириэһиргэтэр гына кэпсээтэ, оонньотто.  Оҕолор сэҥээрэн иһиттилэр, көхтөөхтүк кытыннылар. Аралдьыйыыбыт түмүгэр хамаандаҕа арахсан күрэхтэстилэр.  Күрэхтэһиини иилээн саҕалаан физкультурнай инструктор Миланья Егоровна ыытта.

Булчут кыраҕы сытыы харахтаах, эрчимнээх, сымса илиилээх, түргэн туттуулаах буоларын санатан баран “Ким куобаҕы табар” оонньууну куобахтары бултаан ыыттыбыт.

Саамай элбэх куобаҕы Амелия Сыромятникова тапта.

Түмүккэ оҕолорбутун, уолаттарбытын кэнэҕэс  тулалыыр айылҕаны, кыыллары аһынар  буола улаатан,  Баай Байанайы куруук үөрдэн Байанайдаах булчут үрдүк аатын сүгээрин диэн алҕаан аралдьыйыыбытын түмүктээтибит.

Accessibility