Муниципальное бюджетное дошкольное образовательное учреждение
«Детский сад «Кэскил» с.Туора-Кюель МР «Таттинский улус» РС (Якутия)»

Вы находитесь здесь: Главная » Новости » Үөрэх дьылын түмүктүүр аралдьыйыы

Үөрэх дьылын түмүктүүр аралдьыйыы

  • Автор: keskiltk
  • Опубликовано: 08-06-2019
  • Просмотров: 6
  • Комментариев: нет

Сылын аайы үгэс быһыытынан үөрэх дьылын түмүктүүр аралдьыйыыбыт быйыл олус сэргэхтик ааста. Быйылгы тэрээһиммитигэр оҕо иитиитигэр аҕа оруолун үрдүктүк тутар сыалтан «Уол аҕатынаан» спортивнай күрэх ыыттыбыт.

Тэрээһиммитигэр үгэс быһыытынан сылын аайы бастыҥнары талабыт, ол курдук «Ветеран детского сада» анал аат саамай элбэх күн детсадка сылдьыбыт Захаров Давиидка туттарыллынна, «Кэрэни кэрэхсээччи» анал ааты кэрэ эйгэтигэр араас таһымнаах конкурстарга үгүс ситиһиилэринэн детсадын ааттаппыт Тимур Эляков туттарыллынна уонна «Бастыҥ спортсмен» анал ааты Васильев Айсен ылары ситистэ.

Салгыы кэлбит уолаттар уонна аҕалар үс хамаандаҕа арахсан биэс этаптаах тыҥааһыннаах күрэхтэһии саҕаланна. Күрэхтэһии түмүгүнэн бастакы миэстэни Евграфов Гаврил хапытааннаах күөх былааттаахтар хамаандалара ылла, иккис миэстэни кыһыл былаахтаах Геннадий Васильев хамаандата уонна үһүс бочуоттаах миэстэни араҥас былааттаах Петр Чупров хамаандата ыллылар. Тэрээһиммитигэр 21 аҕа кэлэн кыттыыны ылбыта олус үөрдэр. Инникитин даҕаны аҕаларбыт детсады кытта быстыспат ситимнээх үлэлиэхтэрэ, детсад олоҕор, оҕолорбутун иитиигэ бары биир санаанан кыттыахтара диэн эрэнэбит.

Оҕолорбут сайын устата сынньанан, дуоһуйа сөтүөлээн, сир астаан, оттоон — мастаан, улаатан кэлиэхтэрэ диэн аны күһүҥҥэ диэри быраһаайдаһа хааллыбыт.