Муниципальное бюджетное дошкольное образовательное учреждение
«Детский сад «Кэскил» с.Туора-Кюель МР «Таттинский улус» РС (Якутия)»

Вы находитесь здесь: Главная » Новости Новости "Музыкальный калейдоскоп" » Республика музыкант — педагогтара түмсэллэр

Республика музыкант — педагогтара түмсэллэр

  • Автор: keskiltk
  • Опубликовано: 04-02-2019
  • Просмотров: 7
  • Комментариев: нет

Быйыл төрдүс сылын ыытыллыбыт «Смотр — фестиваль дидактических пособий» олус үчүгэйдик, сэргэхтик ааста, элбэх эдэр коллегалар кыттыбыттара кэрэхсэбиллээх. Барыта практическай үлэлэри көрөр буолан, маннык тэрээһиннэр хас биирдии үөрэх тэрилтэлэрин үлэһиттэригэр олус туһалаах уонна наадалаах дии саныыбын.

Тохсунньу 24-25 чыыһылаларыгар республикабыт араас муннуктарыттан музыка кэрэ эйгэтин кырачаан уонна оскуола саастаах оҕолору үөрэтэр, иитэр педагогтар ИРОиПК тэрилтэтигэр, Дуткина Елизавета Петровна салайааччылаах мустаммыт үлэ күөстүү оргуйда. Бастакы күн дидактическай пособиелары көрдүбүт-иһиттибит. Фестивальга 60 — ча педагог кыттыыны ылла. Дьон айар дьоҕурун киһи сөҕөр, ордук сонун үлэлэри көрөн бэйэбит үлэбитигэр туһанарбытыгар идея, саҥа сүүрээн киирэр.  Оҕо саадын кыра бөлөх оҕолоруттан саҕалаан оонньуу нөҥүө музыканан иитии араас көрүҥнэрин көрдүбүт. Оскуола улахан кылаас оҕолоругар ырыа үөрэтиитигэр, хорга куоласка араарыыга, куолас эрчиллиилэрэ, интерактивнай оонньуулары, үҥкүү туруорууга көмө материаллары көрдүбүт- иһиттибит.

Иккис күн мастер-кылаастар, үлэ опытын тарҕатыы буолла. Манна дьиҥ — чахчы практическай үлэлэри көрөммүт, бэйэбит эппитинэн — хааммытынан кыттыыны ылан, билии бөҕө эбинэн, сорохторго бэйэбититтэн бэрсэн олус продуктивнай күн ааста.

Олус үчүгэй тэрээһиннээх, чисто практическай үлэ икки күн устата бу курдук күөстүү оргуйда. Түмүккэ республика бастыҥнара ааттаннылар, ол курдук:

1 миэстэ — Петухова Любовь Николаевна, Нам улууһа

2 миэстэ — Максимова Варвара Николаевна, Таатта улууһа

3 миэстэ — Семенова Капиталина Константиновна, Андреева Наталья

Биһиги улуустан мастер — кылааска Максимова Варвара Николаевна, Аянитова Раиса Афанасьевна кыттыыны ылан үлэлэрин уопутун тарҕаттылар, Егорова Алена Ивановна уонна Боппосова Виктория Всеволодовна истэн — көрөн кэллилэр.